Қазақстан Республикасы Қорғаныс министрлігінің Кеңес Одағының Батыры, Халық Қаһарманы, армия генералы Сағадат Нұрмағамбетов атындағы әскери колледж

Толығырақ

08.09.2021 11:25

            Қорғаныс министрінің орынбасары генерал-лейтенант Тимур Дандыбаев Сағадат Нұрмағамбетов атындағы әскери колледждің салтанатты ашылу рәсіміне қатысты.

            «Білім күніне» арналған іс-шараға жаңадан түскен тәрбиеленушілер, олардың ата-аналары, сондай-ақ әскери колледждің жеке құрамы қатысты. Сондай-ақ, әскери колледждің ашылу құрметінде, Қазақстан Республикасы Қарулы Күштерінің Ұлттық әскери - патриоттық орталығының «Жас сарбаз» балалар қозғалысының тәрбиеленушілері өз өнерлерін көрсетті.

            ««Жас ұлан» мектебін әскери колледжге қайта ұйымдастыру - бұл бүгінгі таңда Қарулы Күштерде ерекше сұранысқа ие үш мамандық бойынша сержанттар құрамын даярлау мақсатында қабылданған шешім. Мен әскери колледжге жаңа табыстар мен жетістіктер тілегім келеді. Әрбір оқушы болашағымыздың мықты іргетасы болатындай жаңа білімдер алсын. Кез-келген мансап білімнен басталады. Білім неғұрлым сапалы болса, сіздің өміріңізді құратын іргетас соғұрлым берік болады», - деді Қорғаныс министрінің орынбасары.

            Әскери колледждің тәрбиеленушілеріне арнаған сөзінде генерал-лейтенант Тимур Дандыбаев колледждің Қазақстан Республикасы Тәуелсіздігінің 30 жылдығында ашылуы Қорғаныс ведомствосындағы маңызды оқиғалардың бірі болып табылатынын атап өтті. Аты аңызға айналған қолбасшы, армия генералы Сағадат Нұрмағамбетовтің есімімен аталатын мекемеде оқи отырып, әрбір тәрбиеленуші өз таңдауының дұрыстығын терең ұғынып, біздің Тәуелсіздігіміз үшін күрескен ата-бабаларымыздың ерлігі мен табандылығының үлгісін алуға тиіс.

            Соңында Қорғаныс министрінің орынбасары генерал-лейтенант Тимур Дандыбаев барлық қатысушыларды Білім күнімен құттықтап, әскери колледжге гүлдену мен табыс тіледі.

Толығырақ

08.09.2021 11:18

2021 жылы 1 қыркүйекте Сағадат Нұрмағамбетов атындағы әскери колледжінде Мемлекет басшысы Қ.К. Тоқаевтың "СЫНДАРЛЫ ҚОҒАМДЫҚ ДИАЛОГ – ҚАЗАҚСТАННЫҢ ТҰРАҚТЫЛЫҒЫ МЕН ӨРКЕНДЕУІНІҢ НЕГІЗІ" атты жолдауын тыңдау мақсатында жеке құраммен жиналыс өтті.

Ел Президентінің Қазақстан халқына жыл сайынғы жолдауы әрбір азамат үшін маңызды оқиғалардың бірі болып табылады, өйткені ол Президенттің Қазақстанның алдағы уақыттағы жетістіктеріне арналған стратегиялық даму бағыттарын пайымдауын білдіретін бағдарламалық саяси-құқықтық құжат болып саналады.

Іс-шара - санитарлық нормалар мен әлеуметтік қашықтықты қатаң сақтай отырып өткізілді.

Толығырақ

03.09.2021 14:13

Құрметті ата-аналар (заңды өкілдер), ең алдымен, барлық шектеулер мен қиындықтарды біле отырып, «ұлан» болуды таңдаған балаларды тәрбиелегендеріңізге ризашылығымды білдіргім келеді.
Сіздермен Шарт жасасқаннан кейін, біздің түлектеріміздің болашақтағы тағдырына қатысты сұрақтар жиілеп кетті.
Әскери колледжді бітіргеннен кейін әрбір түлек үшін кез-келген жоғары оқу орнына түсу құқығы сақталады. Бұдан басқа, «Әскери қызмет және әскери қызметшілердің мәртебесі туралы» ҚР Заңының 47-бабына сәйкес сарбаздар (матростар), сержанттар (старшиналар) лауазымдарында келісімшарт бойынша әскери қызмет өткеріп жүрген әскери қызметшілер Қазақстан Республикасының жоғары оқу орындарына ақылы негізде оқуға түсетін болса, оқуға жұмсалатын шығындардың елу пайызы бюджет қаражаты есебінен төленетіндігі туралы хабардар еткіміз келеді.
Сонымен қатар, біздің үздік түлектеріміз Бірыңғай ұлттық тестілеуді тапсырмай-ақ Қазақстан Республикасы Қорғаныс министрлігінің Жоғары әскери оқу орындарына оқудың екінші курсына түсуге мүмкіндік беретін тиісті нормативтік-құқықтық өзгерістер енгізу жоспарлануда.
ҚР «Білім туралы» Заңының 35-бабына сәйкес жоғары білімді жалпы орта немесе техникалық және кәсіптік немесе орта білімнен кейінгі білімі бар азаматтар алады. Азаматтың конкурстық негізде тегін жоғары білім алуға құқығы бар.
«Техникалық және кәсіптік, орта білімнен кейінгі білім беру саласында мемлекеттік қызметтер көрсету қағидаларын бекіту туралы» Қазақстан Республикасы Білім және ғылым министрінің 2015 жылғы 20 қаңтардағы № 19 бұйрығына сәйкес тәрбиеленушілер басқа оқу орындарына ауысу мүмкіндігінен айырылған жоқ.
Әскери қызметті жалғастыруға ниет білдірген үздік ұландар оқудың 3 курсында ант береді. Сіздерден, әскери колледж түлектерінің 10 жылдық келісімшарт жасасуын күшпен байланыстыру туралы алыпсатарлық сипаттағы тексерілмеген ақпаратқа назар аудармауларыңызды сұраймыз.
Сенімді және толық ақпарат біздің ресми сайтта орналастырылатын болады.

Толығырақ

26.07.2021 11:07

   2021 жылғы 1-25 шілде аралығында генерал Сағадат Нұрмағамбетов атындағы әскери колледжінде «Әкімшілік құқық бұзушылықтарға нөлдік төзімділік» акциясы өтті.

   Акция барысында колледждің жеке құрамымен қандай да бір құқық бұзушылықтарға жол бермеу бойынша түсіндіру жұмыстары жүргізілді. Осы акцияны өткізудің мақсаты әскери қызметшілер арасында оң көзқарасты қалыптастыру және әрбір әскери қызметші болуы мүмкін құқық бұзушылықтарға жол бермеу.

   Қоғамда шағын құқық бұзушылықтарға «мүлдем төзбеушілік» қағидатын қалыптастыру бағыты Қазақстан Республикасының Тұңғыш Президенті - Елбасы Нұрсұлтан Назарбаевтың «Қазақстан — 2050» стратегиясы жолдауынан бастау алады.

   Әкімшілік құқық бұзушылықтарға нөлдік төзімділік дегеніміз - бұл барлық әскери қызметшілердің ең елеусіз әкімшілік құқық бұзушылықтарға да төзгісі келмеу жауаптылығы.

Толығырақ

15.07.2021 09:20

ҚР ҚМ Кеңес Одағының Батыры, Халық Қаһарманы, армия генералы Сағадат Нұрмағамбетов атындағы әскери колледжіне (бұдан әрі-С. Нұрмағамбетов атындағы Әскери колледж) оқуға түсетін жылы он бес жасқа толған, бірақ он жеті жастан аспаған азаматтар оқуға түсуге құқылы.

Оқуға түсушілер әскери колледждің қабылдау комиссиясына осы Қағидалардың 2-қосымшасына сәйкес құжаттар топтамасын ұсынады.

Қабылдау комиссияларына құжаттардың толық пакетін ұсынбаған оқуға түсушілер қабылдауға жіберілмейді.

С. Нұрмағамбетов атындағы Әскери колледжге оқуға түсуші қабылдау жылының 1-5 тамызын қоса алғанда, С. Нұрмағамбетов атындағы Әскери колледжге ата-аналарымен (заңды өкілдерімен) келеді және қабылдау туралы өтініш береді.

Келесі талаптарға сәйкес келмейтін оқуға түсуші С. Нұрмағамбетов атындағы Әскери колледжіне қабылдаудан бас тартылады:

1) сот әрекетке қабілетсіз немесе әрекет қабілеті шектеулі деп танылғандар;

2) әскери-дәрігерлік комиссияның қорытындысына сәйкес әскери қызмет міндеттерін орындауға кедергі келтіретін ауруы барлар;

3) заңда белгіленген тәртіппен өтелмеген немесе алынбаған сотталғандығы барлар;

4) бұрын сотталғандар немесе Қазақстан Республикасы Қылмыстық-процестік кодексінің (бұдан әрі – ҚР ҚПК) 36-бабы және 35-баптың бірінші бөлігінің 3), 4), 9), 10) және 12) тармақтары негізінде қылмыс жасағаны үшін қылмыстық жауаптылықтан босатылғандар.

Азаматтар мен әскери қызметшілерді әскери колледждерге қабылдау 1-20 тамыз аралығында келесі кезеңдер бойынша жүзеге асырылады:

I кезең – кәсіби-психологиялық іріктеу;

II кезең – әскери-дәрігерлік сараптаманы жүргізу қағидасына сәйкес түпкілікті медициналық куәландыру;

III кезең – дене шынықтыру дайындығын тексеру;

IV кезең – конкурстық іріктеу және оқуға қабылдау.

Оқуға түсушілерге әрбір қабылдау кезеңінен тек бір рет өтуге жол беріледі. Алдыңғы кезеңнен өтпеген оқуға түсуші келесі кезеңге жіберілмейді.

Оқуға түсушілерді алдын ала кәсіби-психологиялық іріктеу ынталылық, күйзеліске төзімділік, сыни тұрғыдан және логикалық ойлау деңгейін тексеруді қамтиды және оны қабылдау комиссиясы құрылымдық бөлімшемен келісу бойынша колледждің тәрбие және идеологиялық жұмыстар бөлімімен бірлесіп жүргізеді. Кәсіби-психологиялық тестілеу нәтижелері бойынша ұсынылмаған оқуға түсушілер кезеңнен өтпеген болып саналады.

Оқуға түсушілерді түпкілікті медициналық куәландыру денсаулық жағдайы бойынша әскери колледждерде оқуға жарамдылығын айқындауды қамтиды және оны Әскери-дәрігерлік сараптама жүргізу қағидаларына сәйкес құрылған медициналық комиссия жүргізеді.

Оқуға түсушілердің дене шынықтыру дайындығын тексеру осы Қағидалардың 2-1-қосымшасы бойынша нормативтерді қабылдауды қамтиды.

Барлық жаттығулар үшін балдар жиынтығы бойынша 60 балдан төмен жинаған және екі норматив бойынша ең төмен балл жинамаған азаматтық жастар қатарынан оқуға түсушілер кезеңнен өтпеген болып саналады.

Конкурстық іріктеуді қабылдау комиссиясы қабылдау жылының 20 тамызында жүргізеді және оқуға түсушілердің ең жоғарыдан ең төменгіге дейін балдар рейтингісін жасауды қамтиды. Рейтинг Әскери колледждің қабылдау комиссиясының хаттамасымен нысан бойынша ресімделеді.

Әскери колледждерге рейтингте бірінші нөмірден бастап қабылдау жоспары бойынша бөлінген орындар санына сәйкес келетін нөмірге дейін тұрған оқуға түсушілер қабылданады.

Қабылдау комиссиясының шешімі қабылдау жылының 21 тамызында сағат 10.00-ге дейін жарияланады және Әскери колледжердің интернет ресурстарына орналастырылады және 23 тамызда әскери колледж бастығының бұйрығымен бекітіледі. Апелляцияға өтініштер 22 тамызда сағат 11.00-ге дейін қабылданады.

Әскери колледждерге қабылдауға конкурстық іріктеуді жүргізу кезінде бірдей көрсеткіштер болған жағдайда Заңның 39-бабы 1-тармағында көрсетілген адамдардың құқығына басымдық беріледі.

жетім балалар және ата-анасының қамқорлығынсыз қалған балалар;

әскери даярлық бойынша қосымша бағдарламалары бар білім беру ұйымдарының түлектері;

қызмет өткеру уақытында қаза тапқан, хабар-ошарсыз кеткен немесе әскери қызмет өткеру кезеңінде мүгедектік алған әскери қызметшілердің балалары;

«Алтын белгі» белгісімен марапатталған тұлғалар;

жалпы білім беру пәндері бойынша халықаралық олимпиадалардың және ғылыми жоба (ғылыми жарыстар) конкурстарының, соңғы үш жылдағы республикалық және халықаралық конкурстардың және спорттық жарыстардың жеңімпаздары, Республикалық жарыстардың бірінші – үшінші дәрежелі дипломдармен наградталған жеңімпаздары, ағымдағы жылы жалпы білім беретін пәндер бойынша Президенттік, республикалық олимпиадалар мен ғылыми жобалар конкурстарының бірінші дәрежелі дипломдармен наградталғандар, жүлделі орындарын уәкілетті орган айқындап, растайтын құжаты (бар болған кезде) бар тұлғалар.

С. Нұрмағамбетов атындағы Әскери колледжде білім алушы оқудың үшінші курсына ауысқан кезде С. Нұрмағамбетов атындағы Әскери колледж бастығымен әскери қызмет өткеру туралы келісімшарт жасайды.

Әскери қызмет өткеру туралы келісімшарт «Әскери қызмет өткеру туралы келiсiмшарттың және ұсынымның үлгi нысандарын, сондай-ақ аттестаттау парағының нысандарын бекіту туралы» Қазақстан Республикасы Қорғаныс министрінің 2018 жылғы 29 қаңтардағы № 36 қбпү бұйрығымен (Нормативтік құқықтық актілерді мемлекеттік тіркеу тізілімінде № 16594 болып тіркелген) бекітілген нысан бойынша жасалады.

С. Нұрмағамбетов атындағы Әскери колледжге оқуға қабылданған оқуға түсуші оқу үшін қабылдау жылының 29 тамызына дейін колледжге келеді.

Тиісті деңгейдегі білім беру
бағдарламаларын іске асыратын
Қазақстан Республикасының
Қорғаныс министрлігіне
ведомстволық бағынысты әскери оқу орындарына оқуға
қабылдау қағидаларына
2-қосымша

Әскери колледждерге және жоғары білімнің білім беру бағдарламаларын іске асыратын әскери оқу орындарына

түсу үшін құжаттар тізімі

1. Оқуға қабылдау туралы еркін нысандағы өтініш немесе өтініш берушінің тегі, аты мен әкесінің аты (болған кезде), туған күні, тұрғылықты жерінің мекенжайы, ата-анасының немесе олардың заңды өкілдерінің байланыс деректері көрсетілген баянат.

2. Жеке куәлік көшірмесі (салыстырып тексеру үшін түпнұсқа). Оқуға түсуші он алты жасқа толғанға дейін туу туралы куәлік көшірмесі (салыстырып тексеру үшін түпнұсқасы) ұсынылады.

3. Негізгі орта білімі туралы аттестат (түпнұсқа және көшірме).

4. Денсаулық жағдайы туралы медициналық анықтама (дәрігерлік кәсіби-консультациялық қорытынды) (075/у нысаны).

Әскери-дәрігерлік сараптама жүргізу қағидаларына сәйкес медициналық құжаттар мен медициналық зерттеулердің нәтижелері:

1) медициналық ұйымнан есепте тұрғаны туралы мәліметтер:

- туберкулезге қарсы диспансерден анықтама (тұрғылықты жері бойынша);

- психоневрологиялық диспансерден анықтама (тұрғылықты жері бойынша);

- тері-венерологиялық диспансерден анықтама (тұрғылықты жері бойынша);

- наркологиялық диспансерден анықтама (тұрғылықты жерінен);

- наркотесттің нәтижесі;

2) созылмалы аурулар және соңғы он екі ай ішінде ауырған инфекциялық және паразиттік аурулар бойынша диспансерлік есепте тұрғаны туралы мәліметтер;

3) дәрі-дәрмекті және басқа да заттарды көтере алмауы (жоғары сезгіштігі) туралы мәліметтер;

4) жыл сайынғы профилактикалық медициналық қарап-тексеру туралы мәліметтер;

5) Есепке алу және есептік құжаттама нысанына сәйкес құжаттар: амбулаториялық пациенттің медициналық картасы (052/у нысаны), профилактикалық қарап-тексеру (скрининг) картасы (055/у нысаны), профилактикалық егулер картасы (065/у нысаны);

6) азаматтардың денсаулық жағдайын сипаттайтын басқа да медициналық құжаттар, рентгенограммалар (Мұрынның қосалқы қуыстарының рентгенографиясы, егер майтабан болса, табанның рентгенографиясы), зерттеудің арнайы әдістерінің хаттамалары;

7) медициналық куәландыру басталғанға дейін күнтізбелік отыз күннен ерте емес жүргізілген медициналық зерттеулердің нәтижелері:

- жалпы қан талдауы;

- мерезге микропреципитация реакциясы (микрореакция);

- жалпы несіп талдауы;

- ЭКГ тыныштықта (жүктемеден кейінгі);

- кеуде қуысының мүшелерін 2 проекцияда флюорографиялық (рентгенологиялық) зерттеу (медициналық куәландыру күнінен үш айдан ерте емес);

- эхокардиография.

5. Көлемі 3х4 см фотосурет-4 дана.

6. Қағаз тезтікпе - 2 дана.

7. Файл - 5 дана.

8. Фотосуретке арналған конверт - 1 дана.

9. Соттылығының болмауы туралы анықтама не Ішкі істер органдарында (ювеналдық полицияда) есепте тұрмағаны туралы кәмелетке толмағандар істері жөніндегі бөлімшеден қосымша анықтама.

10. Спорттық разрядты, республикалық немесе халықаралық жарыстарда, ағымдағы жылғы орындаушылар байқауында, жалпы білім беретін пәндер бойынша халықаралық олимпиадада, сондай-ақ Президенттік не ағымдағы жылы республикалық жалпы білім беретін пәндер бойынша олимпиадада алған жүлделі орынды растайтын құжат (болған кезде).

11. Ата-ана құқығын шектеуге немесе одан айыруға, ата-анасы хабар-ошарсыз кеткен деп танылуға, қайтыс болған деп жариялауға, әрекетке қабілетсіз (әрекетке қабілеті шектеулі) деп танылуға байланысты жетім балалар мен жалғыз басты ата-анасының немесе екеуінің де қамқорлығынсыз қалған балалар; сондай-ақ ата-анасының қамқорлығынсыз қалған басқа да жағдайда ата-анасының қамқорлығынсыз қалу фактісін растайтын мынадай құжаттардың біреуінің көшірмесін (салыстырып тексеру үшін түпнұсқаны) қосымша ұсынады:

ата-анасының қайтыс болуы туралы куәлік;

ата-анасының ата-ана құқығын шектеу немесе одан айыру туралы сот шешімі;

ата-анасы хабар-ошарсыз кеткен деп тану, оларды қайтыс болды деп тану немесе әрекетке қабілетсіз (әрекетке қабілеті шектеулі) деп тану туралы сот шешімі.

12. Әскери қызмет міндеттерін орындау кезінде қаза тапқан немесе мүгедек болған, қызмет өткеру уақытында хабарсыз кеткен әскери қызметшілердің балалары тұрғылықты жері бойынша жергілікті әскери басқару органынан анықтама ұсынады.

Тиісті деңгейдегі білім беру
бағдарламаларын іске асыратын
Қазақстан Республикасының
Қорғаныс министрлігіне
ведомстволық бағынысты әскери оқу орындарына оқуға
қабылдау қағидаларына
2-1-қосымша

Мектептерге және С. Нұрмағамбетов атындағы Әскери колледжге

оқуға түсу үшін дене шынықтыру дайындығы бойынша

нормативтер

РЕЙТИНГІЛІК БАЛДЫ ЕСЕПТЕУ КЕСТЕСІ

Әскери колледжге түсушілер үшін

Түсушінің рейтингтік баллы тиісті үлестік коэффициентке көбейтілген қабылдау кезеңдері баллдарының сомасына тең.

Р = (0,1×П) + (0,1×Л) + (0,3×Д) + (0,5×А)+Б

Негізгі орта білім туралы аттестаттың баллдарын есептеу кестесі (А)

Негізгі орта білім беру аттестатының баллы тиісті коэффициенттерге көбейтілген жаратылыстану-математикалық және қоғамдық-гуманитарлық бағыттағы пәндер баллдарының сомасына тең

А = (0,6 × Ж) + (0,4 × Қ)

Дене дайындығының баллын есептеу кестесі (Д)

Бонустық баллды есептеу кестесі (Б)

Толығырақ

01.06.2021 11:07

  Жыл он екі айдың жадыраған жаз айы да келіп жетті. Жаздың бірінші күні – Халықаралық балаларды қорғау күні. 1 - Маусым 1950 жылдан бастап Халықаралық балаларды қорғау күні болып келеді. Атаулы мерекенің басты мақсаты балаларға барлық жағдай жасай отырып, болашақта адамгершілікке, әділдікке, баянды өмірге толы қоғам құру болып табылады.

   Міне бүгін де, Дүниежүзілік балаларды қорғау күнін мерекелеу әскери қызметшілердің отбасыларымен жұмыс істеу қызметінің төрайымы Айнұр Алайдарқызының ұйымдастыруымен әскери қызметшілердің балаларына арналған «Бар жақсылық – балаларға!» атты мерекерлік іс-шара ұйымдастырылып, әйгілі «Red Bus» екі қабатты автобусында «Бәйтерек», «Думан океанариумы», Жағалау», «Хан Шатыр» СОО, «Expo», «Триумфальді арка», «Қазақстанның Ұлттық мұражайы» бағыттары бойынша экскурссия өтті. Бұл балалар мерекесі Қазақстан Тәуелсіздігінің 30 жылдығын мерекелеу жөніндегі іс-шаралар жоспарын іске асыру кезеңі ретінде аталып өтті. Аталған іс - шараға «Жас ұлан» РМ әскери қызметшілерінің 30 баласы қатысты.

   Экскурссия танымдық қана емес, сондай-ақ балалар үшін аниматорлар көптеген конкурстар мен ойындар өткізгендіктен мереке өте көңілді болды. Осы ұйымдастырылатын мерекелік сайыстар мен жарыстарға белсене қатысқан балалар құралақан қалмай, сыйлықтарға ие болды. Балалар ұмытылмас әсер алды! Балаларға өз жүрегіңнің жылулығын сыйлай отырып, сүйіспеншілікке, қамқорлыққа бөлеуді ұмытпаңыз!

Толығырақ

30.04.2021 11:07

«Жас ұлан» республикалық мектебінде «Армияда қылмысқа орын жоқ» кешенді бағдарламасы аясында «Қауіпсіз жол» профилактикалық айлығы аяқталды.

Автокөлігі бар әскери қызметшілерге көлік жүргізгенде тәртіпті сақтау, жол-көлік оқиғаларының санын азайтуды ескерту мақсатында сәуір айында жол қозғалысы ережелерін бұзудың алдын алу бойынша іс-шаралар өткізілді.

Мектептің автоәуесқойлар қоғамы тұрақты негізде автомобильдерді тексеруді жүзеге асырады және жүргізушілерге көлік құралдарын дұрыс пайдалану жөнінде ұсыныстар береді.

Сіз жаяу жүргінші болсаңыз да, жүргізуші болсаңыз да, жолда абай болу және жолда жүру ережелерін қатаң сақтау маңызды. «Қауіпсіз жол-қауіпсіз өмір».

Толығырақ

02.04.2021 19:39

Қазақстан Республикасы Үкіметінің 2021 жылғы 9 ақпандағы қаулысы негізінде Қазақстан Республикасы Қорғаныс министрлігі «Генерал С.Қ. Нұрмағамбетов атындағы «Жас ұлан» республикалық мектебі» Қазақстан Республикасы Қорғаныс министрлігі «Кеңес Одағының Батыры, Халық Қаһарманы, армия генералы Сағадат Нұрмағамбетов атындағы әскери колледжі» болып қайта құрылды.

Құрметті ата-аналар, өкілдер.

Сізге 2021 жылдың 9 ақпанында № 45 Қазақстан Республикасы Үкіметінің Қаулысымен Нұр-Сұлтан қ. Генерал С.Қ. Нұрмағамбетов атындағы «Жас ұлан» республикалық мектебі (әрі қарай - Мектеп) Армия генералы С.Қ. Нұрмағамбетов атындағы Қазақстан Республикасы Қорғаныс министрлігі Әскери колледжі болып қайта құрылғанын хабарлаймыз.

Колледж кәсіптік техникалық білімнің білім беру бағдарламаларын жүзеге асырады.

Жалпы орта білімнің (орта мектеп) білім беру бағдарламалары бойынша оқыту жүргізілмейді, өйткені осы білім беру қызметіне лицензия алынады.

Мектепке оқуға түскен кезде сіздерге тиісті хабарлама берілген, және сіз оқуға арналған шартқа қол қойғансыз, оның 4.4. тармағында мектептің Әскери колледжге қайта құрылу мүмкіндігі айтылған болатын.

«Білім туралы» ҚР Заңы 42 бабының 2 тармағына сәйкес, тәрбиеленушілер әрі қарай оқуды жалғастыру үшін Алматы, Қарағанды, Шымкент ққ. «Жас ұлан» республикалық мектептеріне ауыстырылатын болады.

Мектептердің мекенжайлары және телефондары:

Б. Момышұлы атындағы «Жас ұлан» республикалық мектебі –
Алматы қ., Пятницкого көш., 100, тел. 8(727)3097365.

Т. Бегельдинов атындағы «Жас ұлан» республикалық мектебі –
Қарағанды қ., Мұстафин көш., 10, тел. 8(7212)561161.

С. Рахимов атындағы «Жас ұлан» республикалық мектебі –
Шымкент қ., Қалдаяқов көш., 3, тел. 8(7252)563245.

Мектептердің біріне ауыстыру үшін Сіз біздің мекенжайға өтініш жазуыңыз қажет.

Басқа өңірлердегі ата-аналарға (өкілдерге) ыңғайлы болу үшін This email address is being protected from spambots. You need JavaScript enabled to view it. электрондық пошта жұмыс істейді, өтінішті беру тәртібі және іс-қимылдардың кейінгі хронологиясы туралы ресми ақпарат zhasulan.mil.kz сайтында орналастырылады.

Жауапты адамдар:

Мектеп бастығының орынбасары – оқу бөлімінің бастығы подполковник Байкенов Хамит Бақдаулетұлы, ұялы тел. +77784535008; 87172474097.

Мектеп бастығының орынбасары – тәрбие және идеология жұмыстары бөлімінің бастығы майор Байқұлов Серік Нұрмолданұлы, 
ұялы тел. +77017013001; 87172474097.

Сіздерден біздің ресми сайтымыздың сенімді ақпаратын ғана басшылыққа алуды, және ротаның, взводтың және т.б. өзге лауазымды, қандай да бір түсініктеме беруге уәкілетті емес, тұлғаларының көмегіне жүгінбеуді сұраймыз.

Одан басқа, сіз балаңызды өз таңдауыңыз бойынша басқа да білім беру ұйымдарына ауыстыруға құқылы екеніңізді хабарлаймыз.

Қосымша: хабарламаның және шарттың көшірмелері, 4  парақта.

Генерал С.Қ. Нұрмағамбетов атындағы

«Жас ұлан» республикалық мектебінің бастығы

әділет полковнигі                               Т. Басхожаев

Құрметті ата-аналар, өкілдер. Сіздерге жолданған хабарламаға сәйкес, Мектеп бастығының атына жазылатын өтініштің үлгісі ұсынылып отыр. Аталған өтінішке жеке куәлігіңіздің көшірмесін қоса тіркеуіңіз қажет. Осы құжаттардың скан-көшірмесін (немесе фотосуретін) This email address is being protected from spambots. You need JavaScript enabled to view it. электронды поштасына жібересіздер. Құжаттардың көшірмесін жасау кезінде сапалы орындалуына назар аударуларыңызды сұраймыз.

ХАБАРЛАМА

Өтітіш

Толығырақ

22.10.2020 09:41

Толығырақ

16.10.2020 18:23

Қазіргі уақытта сіздің балаларыңыз онлайн-режимде оқып жатқандықтан, Қорғаныс істері жөніндегі басқармаларға «тіркеу билеті» үшін медициналық тексеруді «Жас Ұлан» республикалық мектебі тіркелген Нұр-сұлтан қаласының № 10 қалалық емханасы базасында жүргізу мүмкін емес. Сондықтан, 2004 жылы туылған, Нұр-сұлтан қаласынан тыс жерде тұратын тәрбиеленушілер үшін тұратын жері бойынша емханаларда немесе амбулаторияларда медициналық комиссиядан өтіп, соңында мамандардың тексерулері мен барлық тексеру нәтижелерін мектептің This email address is being protected from spambots. You need JavaScript enabled to view it. электрондық поштасына жіберу қажет.

Толығырақ...